Excel
البرنامج اللي هنتكلم عنه برنامج قوي مهم , ليه استخدامات كتييييييير في مجالات مختلفة اهمها في المجال التعليمي و التجاري, ومقدرش انكر انه برنامج متخصص بالرغم من سعة استخداماته وكمان من النوع السهل الممتنع, لو فهمته يبقى في ايدك زي لعبة البازل بالظبط و تقدر تبدع في استخداماته جدا, لكن لو موصلتش لمفاتيحه مقدرش انكر انك هتلاقي صعوبة فيه.
عن برنامج اكسيل MS Excel للجداول الاليكترونية الاشهر على الاطلاق , وهو واحد من مجموعة البرامج المكتبية الشهيرة MS Office. 
من انتاج شركة البرمجيات العملاقة Microsoft
من انتاج شركة البرمجيات العملاقة Microsoftالبرنامج ده بيستخدم بكثافة سواء على مستوى الاعمال التجارية او في الجامعات و المدارس و الابحاث العلمية و الاكاديمية و حتى التسويقية.مش عارفة اذا كان عدى علينا كلنا ولا لا, لأنه فعلا برنامج متخصص.
البرنامج ده يندرج تحت فئة برامج الجداول الاليكترونية او Spreadsheet Software وهي التطبيقات او البرامج اللي بتساعدنا على:
- تسجيل البيانات في شبكة من الصفوف و الاعمدة واللي يمكن الربط بينها عن طريق المعادلات او Formulas بحيث اقدر اعمل عمليات حسابية كتير في نفس الوقت و بدقة عالية و طبعا في وقت قصير جدا مقارنة بالطرق التقليدية للحساب.
- تحويل البيانات لمخططات ورسوم بيانية بحيث يسهل فهم البيانات و تتبعها
- تسجيل المعدلات الدراسية و معدلات النجاح و الذكاء و ...........الخ للطلبة في الجامعات و المدارس
- تسجيل و تحليل البيانات التسويقية و المعملية و استنبطا النتائج منها
- التوقع بالبيانات المستقبلية و اتخاذ القرارات المؤسسية
طيب ايه هو تاريخ البرنامج ده؟ ايه اهميته النهاردة ؟ مين اللي اخترعه؟ هل له بدايل؟
تابعوا معانا مقالاتنا التقنية عن برنامج الاكسيل, بالاضافة للدروس و التلميحات اللي هنكتبها لمساعدة ولادنا في التعرف اكتر على البرنامج.
بالاضافة لدوراتنا اللي بتتم اونلاين عن طريق برنامج الزووم واللي بتكون بأسعار ممتازة, بالاضافة لبرامج الاجازات التدريبية.
في انتظار تواصلكم و اسئلتكم
اهلا بيكم دايما معانا
مهندسة/ أميرة
مدرب معتمد
ارشيف مقالاتنا و دروسنا في MS Excel:
| المقدمة | قصة البداية 1 | قصة البداية 2 |
