Tech Talk - MS Word قصة بداية برنامج الوورد
متابعينا الاعزاء ازيكم
هنستأنف كلامنا عن برنامج الوورد MS Word
كنا سألنا مجموعة من الاسئلة في آخر مقال عن تاريخ البرنامج؟مين اللي اخترعه؟ هل كان له منافسين؟
تم اصدار اول نسخة من الوورد سنة 1983 من شركة البرمجيات العملاقة Microsoft , اللي طوروا البرنامج هما مهندسي البرمجيات ريتشارد برودي Richard Brodie, و تشارلز سايموني Charles Simonyi اللي التحقوا بفريق مايكروسوفت سنة 1981
 |
| مطوري برنامج الوورد |
اول نسخة من البرنامج كانت مخصصة للأجهزة اللي بتشتغل بنظام التشغيل يونيكس UNIX وكانت بتعرف باسم Multi-Tool Word.
لكنهم في نفس السنة اعادوا كتابة البرنامج بحيث انه يتوافق مع الحواسب الشخصية PCs زي اللي كانت بنتنتجها شركة IBM وقتها, النسخة دي كانت بتشتغل تحت نظام التشغيل MS DOS واللي اتعرفت باسم MS Word حنى وقتنا هذا وبكل اصداراتها.
 |
| تطور كتابة اول نسخة من البرنامج |
الحقيقة ان MS Word مكانش اول برنامج ولا البرنامج الوحيد المتخصص في معالجة النصوص, قبل منه كان في برنامج Bravo اللي كان من انتاج Xerox ومخصص لأجهزتها Xerox Alto , واللي طور Bravo هما نفس المهندسين ريتشارد و تشارلز اللي التحقوا بمايكروسوفت لاحقا و انتجوا الوورد 
كمان كان في برنامج اسمه WordPerfect من شركة Novell Inc واللي تم اصداره في 1982 تحت ال DOS برضه , والبرنامج ده كان منافس مباشر و شرس ل MS Word.
WordPerfect مكانش المنافس الوحيد وقتها , كان في برنامج تاني اسمه WordStar من انتاج MicroPro international وكان مكتوب عشان يشتغل تحت نظام تشغيل CP/M-80 لكنه بعد كده اعيد كتابته عشان يشتغل
تحت ال MS DOS.
 |
| البرامج المنافسة لبرنامج الوورد عند اصداره |
طيب و بالنسبة للتطبيقات اللي اشتغلت تحت الويندوز؟
تابعونا عشان نعرفوا اكتر عن اصدارات البرنامج المختلفة وتطورها من خلال سلسلة مقالاتنا التقنية tech talk واللي نتمى انها تكون بسيطة ومفيدة و توصل لولادنا بطريقة محببة.
في انتظار تعليقاتكم و اسئلتكم
اهلا بيكم دايما معانا
مهندسة/ أميرة
ادمن صفحة اليكس كيدز 😊
تابعونا على صفحتنا على الفيسبوك
تعليقات
إرسال تعليق