HTML lesson - الصندوق النصي text box

#TechTalk

#Coding

#WebDesign

#Tip

#HTML

#HTMLlesson

#css

#درس

#تقنية

#تصميم_مواقع

الدرس السابق عرفنا اننا عشان نعمل صفحة تسجيل او التحاق registration لازم يكون فيها نموذج نستقبل من خلاله بيانات المستخدم و بعدين نبعت البيانات دي للسيرفر Server.

وكمان عرفنا اننا عشان نصمم النموذج جوة الصفحة احنا بستخدم العنصر <form> من عناصر ال HTML

<form>

---------Form Elements------------

</form>

درسنا النهاردة هيتكلم عن اول عنصر من عناصر النموذج وهو الصندوق النصي او ال Text box وده اللي بيسمح للمستخدم انه يضيف بيانات نصية محدودة زي الاسم الاول و اسم العائلة او اي بيانات من هذا النوع

عشان اضيف الصندوق النصي في النموذج باستخدم الtag

<input>

وده يعتبر واحد من اهم الtags اللي بنستخدمها في النماذج (ان مكانش اهمها) .

ال input tag فيه صفة attribute مهمة جدا هي اللي من خلالها بنحدد نوع الاداة اللي هنضيفها للنموذج و اللي في درس النهاردة هي ال text

فيكون الكود بتاعنا كالآتي:

<input type="text">

ولتحديد عرض الصندوق النصي بنستخدم ال attribute - size كالآتي

<input type="text" size="100px">

اما بقى لو حبينا نحدد اقصى عدد من الاحرف المسموح بادخالها في الصندوق النصي فبنستخدم ال attribute - maxlength كالآتي

<form>

First Name : <input type="text" size="100px" maxlength="15">

</form>

وهيكون الناتج على الصفحة بتاعتنا صندوق نصي بعرض 100 بيكسل و بيسمح بادخال 15 حرف بس

طيب وبعد ما ندخل الاحرف هنعمل ايه؟

اجابة السؤال ده هتكون في الدرس القادم ان شاء الله , تابعونا لمزيد من المعلومات

لكل ولادي في جروبات ال HTML او اللي بيتعلموا اي نوع من انواع البرمجة او تصميم المواقع

"لازم تكتب الكود بإيدك تاني و تجربه" , "متركنش الكود" هيفرق معاك و يديلك خبرة وهيبقى الموضوع ابسط كتير

المزيد من الدروس و المقالات التقنية هتلاقوها على صفحتنا

https://www.facebook.com/atfalalexandria

يمكنكم الالتحاق بدورة HTML & CSS بسعر مميز جدا خلال اجازة منتصف العام الدراسي