MS - Excel قصة البداية 2
#TechTalk
#MSexceltraining
متابعينا الاعزاء أهلاً بيكم
النهاردة هنكمل الكلام عن بداية برنامج الجداول الاليكترونية الشهير اكسيل .
المقال اللي فات كنا اتكلمنا عن البرامج اللي بدأت سلسلة برمجيات الجداول الاليكترونية واللي كان رائدها برنامج VisiCalc وبعدين دخلت Microsoft على خط البرمجيات دي ببرنامج Multiplan وبعديها ظهر العملاق Lotus 1-2-3 اللي عمل المخططات و الرسوم البيانية Charts وكان كلهم بيشتغلوا تحت Apple Mac
لكن مع دخول عالم الجرافيك و الـ GUI واجه برنامج Lotus 1-2-3 عقبة شديدة جدا و هي عدم قدرته على التطوير من نفسه و عمل واجهة رسومية تتناسب مع متطلبات السوق وقتها و اتأخروا كتير في التطوير و الحقيقة انهم دفعوا تمن التأخير ده غالي جدا.
في 1985 نزلت Microsoft نسخة مطورة من برنامج Multiplan وفيها كل امكانيات Lotus 1-2-3 المهمة و بواجهة رسومية فيها قوائم و مؤشر الماوس mouse pointer وامكانيات لتنفيذ الاوامر المختلفة باستخدام النقرات clicks واطلقت عليه Excel 1.0.
 |
| Excel 1.0 البرنامج تم اصداره في البداية عشان يشتغل تحت Apple Mac وتم تطوير نسخة تانية عشان تشتغل تحت Windows و خرجت للنور في 1987 باسم Excel 2.0 المطورين اللي عملوا اصدار اكسيل الاول Excel 1.0 سنة 1985 الاصدار التاني Excel 2.0 هما Charles Simonyi و Doug Plunder  |
ومنذ ذلك اليوم و حتى يومنا هذا الاكسيل Excel هو المتربع على عرش سوق برمجيات الجداول الاليكترونية بلا منازع, طيب ايه هي الاصدارات المختلفة للبرنامج؟ وامتى ظهرت؟ وايه خصائص كل اصدار؟ ده السؤال اللي هنجاوبه المقال الجاي خليكم متابعينا عشان تعرفوا اكتر عن الاكسيل و عن استخداماته وتاريخه من خلال سلسلة مقالاتنا التقنية tech talk واللي نتمنى انها تكون بسيطة ومفيدة و توصل لولادنا بطريقة محببة. في انتظار تعليقاتكم و اسئلتكم اهلا بيكم دايما معانا مهندسة/ أميرة ادمن صفحة اليكس كيدز 😊 تابعونا على صفحتنا على الفيسبوك بص بصة على المصادر 😂 |
تعليقات
إرسال تعليق