الاكسيل MS Excel - قصة البداية
متابعينا الاعزاء أهلاً بيكم
النهاردة هنكمل الكلام عن برنامج الجداول الاليكترونية الشهير اكسيل .
الحقيقة اكسيل مش أول برنامج صدر من فئة برامج الجداول الاليكترونية , القصة بدأت سنة 1978 لما قام طالب في جامعة هارفارد Harvard Business School اسمه Dan Bricklin بتطوير برنامج صغير نسبياً خاص بالجداول الاليكترونية اسمه VisiCalc.
 |
| واجهة VisiCalc وخصائصه الرئيسية |
البرنامج ده كان بيقدر يعمل العمليات الحسابية على مصفوفة مكونة من 5 أعمدة و 20 صف , وعشان يطور قدرات البرنامج انضم له Bob Frankston اللي خلى البرنامج اسرع وبقدرات اكبر و اكثر تعقيدا فيما يخص العمليات الرياضية.
 |
| مطوري برنامج VisiCalc |
البرنامج تم اصداره للعمل تحت Apple II واتباع منه مليون نسخة, واللي كان يعتبر وقتها رقم كبير جدا و نجاح ساحق, مطوري البرنامج نفسهم مكانوش متخيلينه.
ممكن تشوفوا نسخة من البرنمج و تحملوها على اجهزتكم من خلال الموقع
مايكروسوفت اقتحمت سوق برمجيات الجداول الاليكترونية سنة 1982 ببرنامج اسمه Mulitplan بيشتغل تحت نظام التشغيل Apple Mac والميزة الاساسية اللي كانت في البرنامج ان كتابة العنوان الخاص بالخلية بيتم بتعريف الصف و العمود ب R1C1 بدل من A1 اللي كانت معتمدة في برنامج VisiCalc , الا ان البرنامج ده لم يلق النجاح المطلوب, و ظهر له منافس اكتسحه.
 | ||
برنامج Multiplan تحت Apple Mac البرنامج اللي كان مكتسح و قتها كان برنامج Lotus 1-2-3 من انتاج شركة Lotus تم اصداره سنة 1983 , البرنامج كان فيه ميزة ثورية وقتها و اللي كانت السبب في اكتساحه و هي وجود مقدرة على رسم المخططات و الرسوم البيانية Charts وبعض القدرات الرسومية التانية بالاضافة لإمكانية عمل قواعد بيانات و التعامل معاها بالصفة البرمجية دي, بالاضافة للمزيد من العمليات الحسابية المعقدة جدا.
تم تطوير البرنامج ده بواسطة Mitchell David Kapor و Jonathan Sachs وكان بيشتغل تحت أجهزة IBM وحقق مبيعات تقدر ب 53$ مليون دولار وده كان رقم مهول جداً 😎 أمال الاكسيل اللي نعرفه دخل على خط المنافسة امتى؟ ده السؤال اللي هنجاوبه المقال الجاي خليكم متابعينا عشان تعرفوا اكتر عن الاكسيل و عن استخداماته وتاريخه من خلال سلسلة مقالاتنا التقنية tech talk واللي نتمنى انها تكون بسيطة ومفيدة و توصل لولادنا بطريقة محببة. في انتظار تعليقاتكم و اسئلتكم اهلا بيكم دايما معانا مهندسة/ أميرة ادمن صفحة اليكس كيدز 😊 تابعونا على صفحتنا على الفيسبوك بص بصة على المصادر 😂 |
تعليقات
إرسال تعليق