Web Design using MS expression web 4 تصميم المواقع باستخدام

 

MS Expression web 4 logo

MS Expression web 4 intro

#TechTalk

#Coding

#WebDesign

#Tip

#HTML

#HTMLlesson

#css

#درس

#تقنية

#تصميم_مواقع

مقدمة:

في عالم اليوم احنا بنتعامل مع المواقع الاليكترونية بشكل كثيف جدا , وفي مجالات مختلفة من اول التعليم الاليكتروني و الابحاث العلمية وانتهاء بمواقع الالعاب و التسلية مرورا بالمواقع الاخبارية و المواقع التجارية سواء اللي بتمثل الشركات او مواقع التجارة الاليكترونية زي امازون و جوميا.

و من دون شك اصبحت واحدة من اهم المهارات المطلوبة النهاردة هي مهارة تصميم المواقع الاليكترونية المختلفة واللي لابد وان تكون بتتوافق مع الاجهزة المحمولة واجهزة الكمبيوتر على حد سواء.

في مجموع الدروس السابقة ابتدينا فعلا نتعلم تصميم المواقع باستخدام لغة HTML و CSS (راجعوا دروسنا و مقالاتنا السابقة) وده اسلوب ممتاز جدا في التصميم لكنه بيحتاج احترافية عالية ومهارة في كتابة الاكواد والمام جيد بقواعد التكويد بالاضافة طبعا للوقت.

توفيرا للوقت وتسهيلا على المصممين ممن لا يجيدوا كتابة الاكواد الطويلة و المعقدة, لجأت شركات البرمجيات المختلفة زي Adobe و Microsoft لعمل برمجيات بتساعد المصممين على تنفيذ افكارهم المختلفة في التصميم مهما كانت معقدة بطريقة مباشرة جدا وسهلة واحيانا بدون ما نكتب سطر تكويد واحد.

البرمجيات دي بتتعامل مع تصميم الصفحة بنفس طريقة كتابة المستندات على برنامج الوورد فيما يعرف بتقنية WYSIWYG واللي بتعتمد بشكل كبير على الادوات و القوائم, البرمجيات دي بيطلق عليها برامج تصميم المواقع وتحرير صفحات الHTML

Web page design software & HTML editor

من امثلة البرمجيات دي:

• Adobe Dreamweaver
• MS FrontPage
• CoffeeCup
• MS Expression web 4

ودول برمجيات بتزل على الكمبيوتر و بنشتغل Offline بدون الاحتياج لوجود الانترنت.

كمان في مجموعة من المواقع اللي بتعمل نفس المهمة وهي تصميم المواقع الاليكترونية لكن Online, زي:

• Wordpress.com
• Joomla.org
• Blogger.com
• Wix.com
• Google Web Designer

MS Expression web 4 واجهة برنامج

احنا هنتعلم ازاي نصمم المواقع و الصفحات باستخدام برنامج MS Expression web 4

بس قبل ما نبدأ في التعليم في عندنا مجموعة من المفاهيم اللي محتاجين نعرفها الاول عشان نقدر ندخل في تفاصيل التصميم, تابعوا دروسنا عشان تتعرفوا عليها اكتر من خلال سلسلة مقالاتنا التقنية tech talk واللي نتمنى انها تكون بسيطة ومفيدة و توصل لولادنا بطريقة محببة.

المزيد من الدروس و المقالات التقنية هتلاقوها على صفحتنا

https://www.facebook.com/atfalalexandria

متنسوش #شير خلي المعلومة توصل لأكبر عدد من ولادنا

شكراً جزيلاً 🌹

في انتظار تعليقاتكم و اسئلتكم

اهلا بيكم دايما معانا

مهندسة/ أميرة

ادمن صفحة اليكس كيدز 😊

يمكنكم الالتحاق بدورتي تصميم المواقع باستخدام

• MS Expression web 4
• HTML & CSS

بسعر مميز جدا , المزيد من التفاصيل على alexkids2022@gmail.com